HUNHOIH HUN NUAM

Verse 1
Hun hoih hun nuam hong mu sak,
Hun kilawm hong ngah sak
Hun manpha sung hong tonpih ka To;
Zum le hiam pan hong heem,
Lau-huaina pan hong keem
Cidam tak in a min pha ka lo.

Chorus:
Lungdam sing hih hunpha sungah
Ka Topa’n lam hong pi
Na si pha tawh hong naisak in;
Nang omna peuh lungnopna
Ka nunna’n vaang nei
Nong itna kei sungah, Meei bangin lumden hen
Hallelujah! A min thang hen.

Verse 2
Silh le ten an le tuidawn,
Nisim hong sik hong vak
A bei theilo hehpihna thupha;
Ka kha a ding zong hong lui
Thu le la tawh hong vaak
Hici bangin hong luang a thupha.

Verse 3
Lono hing silsial bangin
Unok paakpalh bangin
Ka nuntakna hong no suak sak zel;
Pahtawi dingin kilawm pen
Phat dingin zong hoih pen
Ka kha tha hong dim zel, hong dim zel.

Posted in

Leave a Reply

Your email address will not be published. Required fields are marked *